من الاخر

اخوكم فى الله اصبح الان من هوات الميكروباسات ومن مدمنى الجلوس فى المقعد الامامى

جنب السواق كرسى الانتحار

زى مابيقولو فى الطب الشرعى واحلى حاجة فى الموضوع دة لما تتسلى طول السكة مع

السواقين وتتكلم فى كل

حاجة الا انت اكتر شئ تلاحظه ان السواقة عالم كامل له قوانينه وقواعده وفى نفس الوقت

ماهو الا تعبير عن جزء عريض من الشعب واللى بيتعامل مع الظروف المحيطة بيه

حسب قواعده الخاصة



الزمان تانى يوم غليت فيه اسعار البنزين

المكان احدى الميكروباسات على الطريق الزراعى السريع

طبعا كان الارتفاع الملحوظ في كل شئ هو الحديث المتداول على السنة الناس وفى وسط

المعمعة وفى وسط الاعتراض على الوضع والظروف والواقع الاقى الراكب اللى جنبى

وبعض صمت كبير قال اتكلموا اتكلموا ماهو دة بالظبط اللى هم عايزينه عايزينكوا

تتكلموا وتعلو الصوت اكتر واكتر عاشان تفرغوا شحنتكم وبعدين كله يتعب من الكلام

وترضوا بالامر الواقع


صمت مطبق فى الميكرباس وكله سكت وساد شعور غريب مزيج من الصدمة والتبصر

وكاتن كله كان بيقول فى نفسه صحيح والله وبعدين


واستطرد بعد كدة فى الكلام وقال بدل من دور ايه الللى عمل فينا كدة بدل من نحاسب

نفسنا ونشوف الغلط فين فينا والا فيهم



كلمة من الاخر يعنى من الاخر

متهيالى كلنا لازم نفكر كويس فيها